ភ្នំសំបុក

ភ្នំសំបុកមានទីតាំងនៅ ក្នុងភូមិថ្មក្រែ ១០គីឡូម៉ែត្រ ខាងជើងក្រុងក្រចេះ ធ្វើដំណើរតាមផ្លូវ ជាតិលេខ៧ចាស់។ ភ្នំនេះមាន កម្ពស់៧០ម៉ែត្រ និងមានចម្ងាយប្រហែល ៣០០ម៉ែត្រ ពីផ្លូវធំ ភ្ញៀវទេសចរ អាចធ្វើដំណើរតាម ផ្លូវគ្រោះខាងស្ដាំដៃ ដើម្បីទៅដល់ភ្នំ។ ភ្នំតូចនេះគ្របដណ្ដប់ ដោយដើមឈើច្រើនប្រភេទ ដែលមានដាក់ ស្លាកឈ្មោះវិទ្យាសាស្ត្រ។

ភ្នំសំបុកមានជណ្ដើរ ធ្វើពីស៊ីម៉ង់ មានផ្លូវបេតុង នៅទីវាលបីជាន់ ភ្ញៀវទេសចរអាច ឡើងតាមជណ្ដើរទីមួយ ឬបើកបរឡើងភ្នំ ដែលមានប្រាសាទ តូចមួយ ផ្ទះ និងខ្ទមដែលជាទីស្នាក់ អាស្រ័យសម្រាប់ព្រះសង្ឃ អ្នកបួស និងដូនជី។ ជាន់នីមួយៗ មានផ្លូវតាមបណ្ដោយ និងកៅអីថ្មវែងសម្រាប់ ភ្ញៀវទេសចរអង្គុយស្រូប យកខ្យល់អាកាសបរិសុទ្ធ និងទស្សនាវាលស្រៃ ភូមិស្រុក និងទន្លេមេគង្គ។ ផ្អែកតាម រឿងព្រេង សំបុកសម្បូរទៅដោយ រ៉ែមាសដែលជាងទង របស់ស្ដេចបានទៅ ធ្វើគ្រឿងអលង្ការ នៅទីនោះ។ ប្រជាជនហៅទីនេះថា "សំបុកមាស" ហើយក្រោយមក ក៏ត្រូវបានហៅថា "ភ្នំសំបុក"៕